25 жніўня, Мінск /Кар. БЕЛТА/. Начальнік галоўнага ўпраўлення прафесійнай адукацыі Міністэрства адукацыі Сяргей Пішчоў расказаў у праекце БЕЛТА "Краіна гаворыць", колькі чалавек сталі студэнтамі беларускіх ВНУ ў бягучым годзе .
"Што датычыцца ўступнай кампаніі ў ВНУ, то ў гэтым годзе мы адзначаем практычна 100 працэнтаў выканання як бюджэтнага, так і платнага набору. Бюджэтны набор выкананы ў нас на 99,5 працэнта і на 99 працэнтаў практычна запоўнены платныя месцы. На бюджэт мы залічылі 30,5 тыс. студэнтаў, на платную форму - каля 15 тыс.", - прывёў лічбы Сяргей Пішчоў.
На завочную форму навучання ў аграрныя ВНУ на сельскагаспадарчыя спецыяльнасці прыёмная кампанія будзе прадоўжана. Яна пройдзе ў лістападзе-снежні. "Там яшчэ ў нас таксама крыху больш за 1 тыс. месцаў на бюджэт выдзелена і амаль 1,3 тыс. платных. Аграрныя ВНУ на завочнае аддзяленне прымаюць у пазнейшыя тэрміны з улікам таго, што ў асноўным туды паступаюць выпускнікі якраз каледжаў. Гэта наша рабочая моладзь, у якой цяпер таксама гарачая пара, і ім даецца дадатковая магчымасць паступіць у пазнейшыя тэрміны", - растлумачыў начальнік галоўнага ўпраўлення.
Сяргей Пішчоў адзначыў зладжаную работу на ўсіх узроўнях, пачынаючы ВНУ, каледжамі, школамі і заканчваючы прадпрыемствамі. "Прафарыентацыйная работа, якая была праведзена, дала свае вынікі, і мы іх бачым", - падкрэсліў ён.-0-
*Праект створаны за кошт сродкаў мэтавага збору на вытворчасць нацыянальнага кантэнту.
