Каб павысіць узровень бяспекі людзей, актывізаваць пажарна-прафілактычную работу, прааналізаваць яе эфектыўнасць і ацаніць гатоўнасць да вясеннега пажаранебяспечнага перыяду, на Жабінкаўшчыне з 12 па 16 лютага 2024 года праводзіцца прафілактычная акцыя па папярэджанні пажараў і гібелі людзей ад іх у жыллёвым фондзе.
Яе мэты – зніжэнне колькасці пажараў, што адбываюцца праз незахаванне грамадзянамі правілаў пажарнай бяспекі ў жылых будынках і збудаваннях, павышэнне інфармаванасці насельніцтва, умацаванне правапарадку, папярэджанне правапарушэнняў, якія здзяйсняюцца грамадзянамі ў нецвярозым стане. У населеных пунктах раёна пройдуць сельскія сходы грамадзян з абмеркаваннем на іх пытанняў па папярэджанні пажараў.
